کراچی :اگلے سال دسمبر میں 5 جی پاکستان میں دسمبر2022میں لانچ ہوجائے گا۔امین الحق
ہماری خواہش ہے کہ لوگ سستے اسمارٹ فونز استعال کرسکیں،اسلام آباد میں آئی ٹی پارک کی بنیاد رکھ دی گئی ہے
کراچی( ویب نیوز)وفاقی وزیر انفارمیشن ٹیکنالوجی امین الحق نے کہا ہے کہ اگلے سال دسمبر میں 5 جی پاکستان میں دسمبر2022میں لانچ ہوجائے گا، ہم نے موبائل فونز خود بنانا شروع کردیا ہے ، ہماری خواہش ہے کہ لوگ سستے اسمارٹ فونز استعال کرسکیں،اسلام آباد میں آئی ٹی پارک کی بنیاد رکھ دی گئی ہے جبکہ کراچی میں آئی ٹی پارک کیلئے سول ایوی ایشن سے 7ایکٹر زمین حاصل کی گئی۔ایف پی سی سی آئی میں تقریب سے خطاب کرتے ہوئے امین الحق نے کہا کہ دنیا بہت آگے بڑھ گئی ہے ہمیں بھی ترقی کرنے ہوگی ، آرٹیفشل انٹیلیجنس، سائبر سمیت دیگر چیزوں پر کام ہورہا ہے۔بجٹ کے حوالے سے امین الحق نے اس بجٹ میں ٹیلی کام کو انڈسٹری کا درجہ دیا گیا ، ووہولڈنگ ٹیکس 12.50سے کم ہوکر 10فیصد اور سیلز ٹیکس کم کرواکر 16فیصد کروائی ، ایف بی آر نے موبائل کال پر ٹیکس لگایا تو ہم نے اعتراض کیا، وزیراعظم سے اس معاملے پر بات کی اور فوری طور پر اسے نکلوایا گیا۔وفاقی وزیر انفارمیشن ٹیکنالوجی نے بتایا کہ ڈیجیٹل پاکستان کا مقصد کنیکٹیوٹی ہے ، 2سال میں 31ارب روپے کنیکٹیوٹی پر خرچ کئے جس سے معاملات بہتر ہوئے ، 20ارب روپے مزید کنیکٹیوٹی کیلئے مختص کئے گئے ہیں۔انہوںنے کہا کہ 2018 میں 17کروڑ اسمارٹ فونز تھے اور اب 18کروڑ سے زائد لوگوں کے پاس اسمارٹ فونز ہیں ، براڈ بینڈ 7 کروڑ سے 10کروڑ ہوچکے ہیںامین الحق نے کہا کہ کیبنٹ اجلاس اب پیپر لس ہورہے ہیں جلد قومی اسمبلی اور سینٹ میں بھی پیپر لس ہوں گے ،جنوری 2023 تک پارلیمنٹ کو بھی پیپرلس کردیں گے۔وفاقی وزیر نے کہا کہ اگلے سال دسمبر میں 5G پاکستان میں لانچ ہوجائے گا، ہم نے موبائل فونز خود بنانا شروع کردیا ہے ، ہماری خواہش ہے کہ لوگ سستے اسمارٹ فونز استعال کرسکیں۔انہوںنے کہا کہ سافٹ وئیر ٹیکنالوجی پارک پر کام کررہے ہیں ، اسلام آباد میں آئی ٹی پارک کی بنیاد رکھ دی گئی ہے ، کراچی میں آئی ٹی پارک کیلئے سول ایوی ایشن سے 7ایکٹر زمین حاصل کی گئی ، 31 ارب روپے کی لاگت سے کراچی میں پہلی آئی ٹی پارک بنائی جائے گی۔امین الحق نے کہا کہ سندھ کے دیہی علاقوں کے پروجیکٹس کیلئے وزیراعلی سندھ کو 3لیٹر لکھے مگر وہ نہیں آئے ، 2.1بلین روپے کاسندھ کے دیہی علاقوں کیلئے پروجیکٹ لائے ہیں ، اب بھی بلائیں گے مگر یقین ہے وزیراعلی سندھ نہیں آئیں گے ، وہ پرانی کوئی بلڈنگ دیں ہم اسے رینوویٹ کرکے آئی پارک میں تبدیل کریں گے ، ایمرجنگ ٹیکنالوجی پر ایف پی سی سی آئی کے ساتھ کمیٹی بناتے ہیں، مل کر کام کریں گے۔
