پیٹرولیم مصنوعات کی قیمتوں میں اضافہ
اسلام آباد (ویب نیوز )
حکومت نے پیٹرولیم مصنوعات کی قیمتوں میں اضافےکا اعلان کر دیا۔
وزارت خزانہ نے پیٹرولیم مصنوعات کی قیمتوں میں اضافےکا نوٹیفکیشن جاری کر دیا جس کے مطابق پیٹرول کی قیمت میں4 روپے فی لیٹر اضافہ کیا گیا ہے۔ اضافے کے بعد پیٹرول کی فی لیٹر قیمت 144.82 روپے ہو گئی۔
مٹی کا تیل 3روپے95 پیسےاضافے کے ساتھ 113 روپے49 پیسے فی لیٹر ہو گیا۔ لائٹ ڈیزل 4 روپے 15 پیسے اضافے کے ساتھ 111 روپے 21 پیسے ہو گیا۔
نوٹیفکیشن کے مطابق پیٹرولیم مصنوعات کی نئی قیمتوں کا اطلاق یکم جنوری رات12 بجے سے ہو گا۔
اس سے قبل ایل پی جی کی قیمت میں 6روپے فی کلو اور گھریلو سلنڈر 70روپے اور کمرشل سلنڈر کی قیمت میں 268روپے کمی کی گئی۔
اپنے ٹوئٹر بیان میں وفاقی وزیر اطلاعات فوادچوہدری نے لکھا کہ صحت کارڈ کے بعد حکومت نے نئے سال کے تحفے کے طور پر ایل پی جی کی فی کلو قیمت میں چھ روپے تک فی کلو کمی کر دی ہے۔
انہوں نے کہا کہ اس سے ملک کی 72% آبادی جو پائپ گیس سے محروم ہے اس کو براہ راست فائدہ ہو گا آئندہ سال میں توانائی اور کھانے پینے کی اشیاء کی قیمتوں میں واضع کمی دیکھنے میں آئے گی۔