کراچی (ویب ڈیسک)
حکومت مخالف احتجاج کے سلسلے میں پاکستان پیپلز پارٹی نے 27 فروری کے لانگ مارچ کے شیڈول کا اعلان کر دیا۔ لانگ مارچ 27فروری دوپہر کو مزارِ قائد کراچی سے روانہ ہوگا، پہلی رات سکھر میں قیام کرے گا، اس قافلے کی میزبانی پاکستان پیپلز پارٹی کے رکن قومی اسمبلی خورشید شاہ کریں گے۔ جہاں پر بڑا جلسہ ہوگا جس سے بلاول بھٹو خطاب کریں گے۔اس سے اگلے روز 28فروی کو لانگ مارچ رحیم یار خان پڑا کرے گا جبکہ حکومت مخالف مارچ یکم مارچ کو ملتان پہنچے گا، ملتان میں سابق وزیراعظم اور سینیٹ میں قائد حزب اختلاف یوسف رضا گیلانی میزبانی کریں گے۔2 مارچ کو پیپلز پارٹی کا مارچ ساہیوال کی تحصیل چیچہ وطنی پہنچے گا جہاں پر ایک لاکھ لوگ اکٹھے کرنے کا پلان ہے۔اس سے اگلے روز 3 مارچ کو پیپلز پارٹی کا مارچ لاہور پہنچے گا، رات کو لاہور میں متعدد بڑے جلسے کا انعقاد ہو گا، 4 مارچ کو لانگ مارچ لاہور سے روانہ ہوگا اور وزیر آباد قیام کریگا۔5 مارچ کو لانگ مارچ وزیرآباد سے گجر خان پہنچے گا جبکہ چھ مارچ کو لانگ مارچ اسلام آباد پہنچے گا۔پاکستان پیپلزپارٹی کے چیئرمین کی سربراہی میں بلاول ہاس میں اجلاس ہوا، اجلاس میں سندھ سے تعلق رکھنے والے اراکین قومی اور صوبائی اسمبلی نے شرکت کی۔ اجلاس میں فریال تالپور اور وزیراعلی مراد علی شاہ بھی موجود تھے جبکہ سابق وزیراعلی سندھ سید قائم علی شاہ، آفتاب شعبان میرانی، نواب یوسف تالپور، منظور وسان اور دیگر بھی شریک ہوئے۔بلاول کو لانگ مارچ کی تیاریوں کے حوالے سے آگاہ کیاگیا، چیئرمین پی پی نے سندھ کے اراکین اسمبلی کو الگ الگ اہم ٹاسک سونپ دیئے۔اجلاس کے دوران خطاب کرتے ہوئے بلاول کا کہنا تھا کہ پیپلزپارٹی سی ای سی کے اجلاس میں جمہوری اصولوں کو ملحوظ خاطر رکھتے ہوئے لانگ مارچ کا فیصلہ کیا گیا، ہم تحریک عدم اعتماد کے جمہوری، آئینی اور پرامن طریقے سے حکومت کی تبدیلی پر یقین رکھتے ہیں۔انہوں نے کہا کہ خوشی ہے اپوزیشن کی دیگر جماعتیں تحریک عدم اعتماد کے حوالے سے ہمارے مقف کی حمایت کر رہی ہیں، پیپلزپارٹی نے پہلے دن سے آج تک مثر ترین اپوزیشن کی ہے۔
