فارن فنڈنگ کیس ،پی ٹی آئی کے وکیل نے کمیشن نامکمل ہونے پر اعتراض اٹھادیا اسلام آباد ہائیکورٹ نے جو آبزرویشن دیں وہ بدقسمتی ہے، جن باتوں پردلائل نہیں دیے گئے تھے...انورمنصور

اسلام آباد ہائیکورٹ نے جو آبزرویشن دیں وہ بدقسمتی ہے، وکیل پی ٹی آئی انورمنصور

ہائیکورٹ نے30 دن میں فیصلے کی ہدایت کی ہے اس کا کیا کریں گے،چیف الیکشن کمشنر

 اعتراض پہلے بھی اٹھایا گیا تھا لیکن خارج کیا گیا،وکیل اکبر ایس بابر

اسلام آباد  (ویب نیوز)

تحریک انصاف کے وکیل نے پی ٹی آئی غیر ملکی فنڈنگ کیس میں کمیشن نامکمل ہونے کا اعتراض اٹھادیا۔ منگل کو الیکشن کمیشن میں پی ٹی آئی غیر ملکی فنڈنگ کیس کی سماعت ہوئی جس میں بینچ کے سامنے اسلام آباد ہائیکورٹ کافیصلہ پڑھ کرسنایاگیا کہ فارن فنڈنگ ثابت ہوئی تو اس کا اثرجماعت اور چیئرمین دونوں پرہوگا۔ دورانِ سماعت پی ٹی آئی کے وکیل انور منصور نے ہائیکورٹ کے فیصلے پر تنقیدکرتے ہوئے کہا کہ اسلام آباد ہائیکورٹ نے جو آبزرویشن دیں وہ بدقسمتی ہے، جن باتوں پردلائل نہیں دیے گئے تھے وہ بھی حکم نامہ میں شامل کردی گئیں۔انور منصور نے الیکشن کمیشن نا مکمل ہونیکا اعتراض اٹھاتے ہوئے کہا  کہ کمیشن کے 2 ارکان تعینات نہیں ہوسکے، آئین میں اختیارات الیکشن کمیشن کو ہیں، صرف کمشنر یا ممبرزکو نہیں۔اس  پر چیف الیکشن کمشنر نے کہا کہ ہائیکورٹ نے30 دن میں فیصلے کی ہدایت کی ہے اس کا کیا کریں گے، اکبر ایس بابر کے وکیل نے یاد دلایا یہ اعتراض پہلے بھی اٹھایا گیا تھا لیکن خارج کیا گیا۔