سابق ڈائریکٹر ایف آئی اے ڈاکٹررضوان دل کا دورہ پڑنے سے انتقال کر گئے  ڈاکٹر رضوان کو سروسز ہسپتال لایا گیا جہاں ڈاکٹروں نے ان کی موت کی تصدیق کی

اسلام آباد (ویب نیوز)

شہباز شریف کے خلاف منی لانڈرنگ سمیت کئی کیسز کی تفتیش کرنے والے سابق ڈائریکٹر ایف آئی اے ڈاکٹر رضوان حرکت قلب بند ہوجانے سے انتقال کر گئے۔فیملی ذرائع کے مطابق ڈاکٹر رضوان کو سروسز ہسپتال لایا گیا جہاں ڈاکٹروں نے ان کی موت کی تصدیق کی۔

ڈاکٹر رضوان ڈائریکٹر ایف آئی اے پنجاب تعینات رہے، موجودہ حکومت کے آتے ہی ڈاکٹر رضوان کو عہدے سے ہٹا دیا گیا تھا۔

ڈاکٹر رضوان نے شہباز شریف کے منی لانڈرنگ سمیت کئی کیسز کی تفتیش کی تھی۔