صدر علوی عہدے پر مزید رہنے کے اہل نہیں رہے، مستعفی ہو جائیں، قرارداد

لاہور (ویب نیوز)

صدر مملکت عارف علوی کے غیر آئینی اقدامات کے خلاف پنجاب اسمبلی میں قرارداد جمع کرادی گئی ۔قرارداد مسلم لیگ (ن) کی رکن حنا پرویز بٹ، سعدیہ تیمور اور سمیرا کومل نے مشترکہ جمع کرائی ہے۔قرارداد کے متن میں بتایا گیا کہ یہ ایوان صدر مملکت عارف علوی کے غیر آئینی اقدمات پر شدید تحفظات کا اظہار کرتا ہے۔قرارداد میں موقف اختیار کیا گیا کہ عارف علوی صدر مملکت کے عہدے کو جماعتی بنیادوں پر چلارہے ہیں، صدر مملکت، سابق گورنر پنجاب عمرسرفراز چیمہ اور سپیکر پنجاب اسمبلی نے آئینی عہدوں کا مذاق بنادیا۔عدالتی احکامات اور وزیراعظم پاکستان کی ایڈوائس کو دو،دو مرتبہ صدرعارف علوی نے نظر انداز کیا گیا۔قرارداد میں واضح کیا گیا کہ صدر عارف علوی اب اس عہدے پر مزید رہنے کے اہل نہیں رہے، وہ اخلاقی طور پر عہدے سے مستعفی ہو جائیں۔