توشہ خانہ کیس، ہائیکورٹ کے فیصلے کیخلاف اپیل کی سماعت کا  حکمنامہ جاری توشہ خانہ کیس کے میرٹس پر دلائل ابھی نہیں دیئے گئے، کیس کی اب تک کی سماعت کو زیر التوا کیس نہ سمجھا جائے، آئندہ سماعت پر کسی اور بینچ کے سامنے کیس مقرر ہو سکتا ہے،حکمنامہ

اسلام آباد (ویب نیوز)

سپریم کورٹ نے توشہ خانہ کیس میں پاکستان تحریک انصاف کے چیئرمین کی اسلام آباد ہائی کورٹ کے فیصلے کے خلاف اپیل پر گزشتہ روز کی سماعت کا حکمنامہ جاری کر دیا۔سپریم کورٹ نے کہا ہے کہ توشہ خانہ کیس کے میرٹس پر دلائل ابھی نہیں دیئے  گئے، کیس کی اب تک کی سماعت کو زیر التوا کیس نہ سمجھا جائے۔حکمنامے میں سپریم کورٹ کا کہنا ہے کہ آئندہ سماعت پر کسی اور بینچ کے سامنے کیس مقرر ہو سکتا ہے۔سپریم کورٹ نے کہا کہ کیس کی آئندہ سماعت 4 اگست کو ہو گی۔جسٹس یحییٰ آفریدی کی سربراہی میں 3 رکنی بینچ نے 2 اگست کو کیس کی سماعت کی تھی۔سپریم کورٹ نے کہا کہ موسم گرما کی تعطیلات کے بعد ممکن ہے یہ بینچ آئندہ سماعت پر دستیاب نہ ہو۔