مراکش کشتی حادثہ: 13 پاکستانیوں کی لاشوں کی شناخت، 4 آج ( بدھ کو) اسلام آباد پہنچیں گی
اسلام آباد(ویب نیوز)
دفتر خارجہ نے مراکش کشتی حادثہ میں جاں بحق 13 پاکستانیوں کی تصدیق کردی۔ترجمان دفتر خارجہ نے کہا ہے کہ 16 جنوری کو مراکش کی بندرگاہ داخلہ کے قریب متعدد پاکستانیوں کو لے جانے والی ایک کشتی الٹ گئی۔شفقت علی خان نے بتایا کہ وسیع پیمانے پر تصدیق کے عمل کے بعد 13 پاکستانیوں کی لاشوں کی شناخت کی گئی ہے۔ترجمان دفتر خارجہ نے کہاکہ چار پاکستانی شہریوں کی میتیں بدھ کو اسلام آباد پہنچیں گی، جنہیں ورثا کے حوالے کیا جائیگا۔واضح رہے کہ کچھ روز قبل مراکش میں تارکین وطن کی کشتی کو حادثہ پیش آیا تھا جس میں 44 پاکستانیوں کے جاں بحق ہونے کی خبر سامنے آئی تھی۔15 جنوری کو کشتی واقعہ میں 44 پاکستانیوں کے جاں بحق ہونے کی اطلاعات تھیں، تاہم مقامی حکام کو صرف 13 نعشیں ہی ملیں۔ ذرائع پاکستانی سفارت خانہ مراکش کے مطابق میتوں کی شناخت کے لیے نادرا کی خدمات بھی حاصل کی گئیں۔ فنگر پرنٹ اور تصاویر نادرا کو بھجوائی گئیں تھیں۔سفارتی ذرائع کے مطابق کشتی حادثہ میں جاں بحق ہونے والوں میں درج ذیل پاکستانیوں کی لاشوں کی شناخت ہوئی ہے:01 :سفیان علی ولد جاوید اقبال، پاسپورٹ نمبر VF1812352 02 :سجاد علی ولد محمد نواز، پاسپورٹ نمبر XX1836111 03 :رئیس افضل ولد محمد افضل، پاسپورٹ نمبر MJ1516091 04 :قصنین حیدر ولد محمد بنارس، پاسپورٹ نمبر AA6421773 05 :محمد وقاص ولد ثنا اللہ، پاسپورٹ نمبر DJ6315471 06 :محمد اکرم ولد غلام رسول، پاسپورٹ نمبر DN0151754 07 :محمد ارسلان خان ولد رمضان خان، پاسپورٹ نمبر LM4153261 8 :حامد شبیر ولد غلام شبیر، پاسپورٹ نمبر CZ5133683 09 :قیصر اقبال ولد محمد اقبال، پاسپورٹ نمبر GR1331413 0 :دانش رحمان ولد محمد نواز، پاسپورٹ نمبر SE9154371 11 :محمد سجاول ولد رحیم دین، پاسپورٹ نمبر AY5593661 12 :شہزاد احمد ولد ولایت حسین، پاسپورٹ نمبر GN1162802 13 :احتشام ولد طارق محمود، پاسپورٹ نمبر CE1170122۔