شہید آیت اللہ خامنہ ای.. جنازے کا جلوس، لاکھوں شریک  شہید  آیت اللہ خامنہ ای قتل کے ذمہ داروں کا تعاقب کیا جائے گا اور وہ اپنے انجام سے نہیں بچ سکیں گے۔

جلوس کا آغاز تہران کی گرینڈ مصلّیٰ سے ہوا جہاں شہید خامنہ ای کا جسدِ خاکی گزشتہ دو روز سے عوامی دیدار کے لیے رکھا ہوا تھا۔رپورٹ کے مطابق جلوس تقریباً 10 کلومیٹر کا راستہ طے کرے گا اور یہ  10 سے 12 گھنٹے تک جاری رہنے کا امکان ہے۔

تہران میں شہید علی خامنہ ای کے جنازے کے جلوس میں لاکھوں افراد شریک، ملکی تاریخ کا سب سے بڑا اجتماع قرار

 شہید سپریم لیڈر نے عزت، آزادی اور قومی وقار کا راستہ متعین کیا، جس پر ایران کی مسلح افواج پوری ثابت قدمی اور عزم کے ساتھ گامزن رہیں گی۔ ایران کی مسلح افواج سپریم لیڈر  آیت اللہ سید مجتبیٰ خامنہ ای کی قیادت میں بغیر کسی ہچکچاہٹ کے اپنے فرائض انجام دیتی رہیں گی۔   میجر جنرل امیر حاتمی

تہران(ما نیٹرنگ ڈیسک ) 

شہید ایرانی سپریم لیڈر  آیت اللہ علی خامنہ ای کے جنازے کا جلوس کا آغاز ہوگیا ہے  جس میں بڑی تعداد میں عوام شریک ہیں۔ ایرانی سرکاری نشریاتی ادارے کے مطابق شہید سپریم لیڈر کے جنازے کا جلوس کچھ دیر قبل دارالحکومت میں شروع ہوا جس میں سوگواروں کا ایک بڑا ہجوم شریک ہے۔

ایرانی میڈیا کے مطابق جلوس کا آغاز تہران کی گرینڈ مصلّیٰ سے ہوا جہاں شہید خامنہ ای کا جسدِ خاکی گزشتہ دو روز سے عوامی دیدار کے لیے رکھا ہوا تھا۔

رپورٹ کے مطابق جلوس تقریباً 10 کلومیٹر کا راستہ طے کرے گا اور یہ  10 سے 12 گھنٹے تک جاری رہنے کا امکان ہے۔

جلوس دماؤند اسٹریٹ، امام حسین اسکوائر، انقلاب اسٹریٹ، انقلاب اسکوائر، آزادی اسٹریٹ، آزادی اسکوائر اور شہید لشکری ہائی وے سے گزرے گا۔

جلوس کے بعد شہید سید علی خامنہ ای کے جسدِ خاکی کو  قم منتقل کیا جائے گا۔  ایران کے شہید سپریم لیڈر علی خامنہ ای کے جنازے کا جلوس اپنے طے شدہ راستے پر گامزن ہے اور جلوس میں شرکت کے لیے تہران کی سڑکوں پر لاکھوں افراد جمع ہیں۔