کورونا کٹس پر احتجاج کرنیوالے ڈاکٹرز کا رہائی سے انکار

کوئٹہ (صباح نیوز)

کورونا وائرس حفاظتی کٹس کی عدم دستیابی پر احتجاج کے دوران گرفتار ہونے والے ڈاکٹرز نے رہائی سے انکار کردیا۔

تفصیلات کے مطابق کورونا وائرس سے بچا ؤکے لیے حفاظتی کٹس کی عدم دستیابی پر احتجاج کے دوران گرفتار ڈاکٹرز نے رہائی سے انکار کردیا ، ترجمان ینگ ڈاکٹرز نے کہا کہ ینگ ڈاکٹرز نے رات تھانے میں گزاری ہے۔  جب تک مطالبات تسلیم نہیں ہوتے تھانوں میں ہی رہیں گے۔ حکومتی کمیٹی نے رات رابطہ کیا تھا تاہم کمیٹی کو پہلے تحقیقات کرنی چاہئے کہ ضلعی انتظامیہ نے کیوں تشدد کیا۔

دوسری جانب ترجمان بلوچستان حکومت نے کہا کہ ہم نے ینگ ڈاکٹرز کو رہا کر دیا تھا، ڈاکٹرز اپنی مرضی سے تھانوں میں موجود ہیں۔ ڈاکٹرز سے گذارش ہے تھانہ چھوڑ کر گھر جائیں۔ ڈاکٹرز کو مزید اضافی کٹس فراہم کرنے کا فیصلہ کر لیا لہذا ڈاکٹرز کو اب اپنا احتجاج رضا کارانہ طور پر ختم کرنا چاہئے۔

Editor

Next Post

بڑے برآمد کنندگان کو زیادہ مراعات دینے کا تاثر غلط ہے،رزاق داؤد

منگل اپریل 7 , 2020
اسلام آباد (صباح نیوز) وزیر اعظم عمران خان کے مشیر تجارت عبد الرزاق دا ؤد نے کہا ہے کہ حکومت کی طرف بڑے برآمد کنندگان کو زیادہ مراعات دینے کا تاثر غلط ہے، یقین دلاتے ہیں کہ مزدوروں کے حقوق کو یقینی بنایا جائے گا۔ عبد الرزاق داود نے اپنے […]