نواز شریف کا علاج جاری ہے، کورونا کے باعث سرجری ملتوی ہوئی، مریم نواز

لاہور(صباح نیوز)

مسلم لیگ (ن)کی رہنماو سابق وزیر اعظم نواز شریف کی صاحبزادی مریم نواز نے کہا ہے کہ ان کے والد اور پارٹی کے قائد نواز شریف کا علاج جاری ہے، ان کی کورونا کے باعث سرجری ملتوی ہوئی،نواز شریف ہائی رسک مریض ہیں اس لیے ہر طرح کی احتیاط لازم ہے،کورونا وائرس کی وجہ سے سب سے زیادہ متاثر ہمارا مزدور طبقہ ہوا ہے۔ٹوئٹر پر صارف کی جانب سے نواز شریف کی صحت کی تازہ ترین صورتحال سے متعلق سوال کے جواب میں مریم نواز نے کہا کہ میاں صاحب کی سرجری کورونا کے باعث ملتوی ہوئی ہے۔ ڈاکٹرز کے مطابق وہ ہائی رسک مریض ہیں اس لیے ہر طرح کی احتیاط لازم ہے، ان کا علاج جاری ہے۔ آپ سب رمضان کریم کی خصوصی دعاوں میں انکو یاد رکھیں۔مریم نواز نے کہا کہ آج ہم ان تمام افراد کو سلام پیش کرتے ہیں جن کا خون پسینہ ہماری زندگیوں کی روانی کا باعث ہے۔ کرونا کی وجہ سے سب سے زیادہ متاثر ہمارا مزدور طبقہ ہوا ہے۔رمضان کے بابرکت مہینے میں جب اللہ تعالی کی رحمتیں سمیٹنے کا وقت ہے تو نیکیوں میں سب سے عظیم نیکی مخلوق خدا کی تکلیف دور کرنا ہے۔مریم نواز کا کہنا تھا کہ اللہ تعالی اپنے فضل و رحمت سے سب کواس مشکل سے نکالے، یہ دن میں ان لوگوں کے نام کرتی ہوں جو اس وبا کے دوران اپنے فرائض انجام دے رہے ہیں اور تکلیف میں مبتلا انسانیت کی خدمت کر رہے ہیں۔ آپ سب کو سلام!۔

Editor

Next Post

کورونا دنیا بھر میں 2 لاکھ 34 ہزار  سے زائد زندگیاں نگل گیا،  30لاکھ افراد متاثر

جمعہ مئی 1 , 2020
نیویارک،لندن ،میونخ ،روم ، پیرس انقرہ  (صباح نیوز) کورونا وائرس دنیا بھر میں  دو لاکھ 34 ہزار 105 زندگیاں نگل گیا، برطانیہ میں مزید 674، برازیل 390، فرانس 289 اور اٹلی میں 285 افراد ہلاک ہوئے۔ روسی وزیراعظم کا ٹیسٹ بھی مثبت آ گیا، وائرس سے متاثرہ 30 لاکھ افراد […]