مقبوضہ کشمیرمیں مکمل ہڑتال، احتجاجی مظاہرین پر بھارتی فوج کی فائرنگ  ایک شہری شہید

سری نگر(کے پی آئی)
حزب المجاہدین کے چیف کمانڈرریاض نائیکو اور ان کے ساتھیوں کی شہادت پر جمعرات کومقبوضہ کشمیرمیں مکمل ہڑتال  رہی، اس دوران  پلوامہ ضلع میں ، بھارتی فوجیوں نے سوگواروں پر فائرنگ کر کے ایک شہری شہید اور درجنوں دیگر کو زخمی کردیا۔ضلع کے بیگ پورہ اوونتی پورہ میں حزب  المجاہدین کے چیف آپریشنل کمانڈر ریاض نائیکو کی شہادت اور ہندوستانی قبضے کے خلاف لوگوں نے کرفیو کی خلاف ورزی کی اور سڑکوں پر نکل آئے۔ بھارتی فوجیوں نے سوگواران پر گولیوں ، چھروں اور آنسو کے گولے داغے ، ان میں سے ایک شہری  شہید اور درجنوں زخمی ہوگئے۔آخری رسومات میں لوگوں کی بڑی تعداد میں شرکت کے خوف سے ، قابض حکام نے کمانڈر ریاض نائیکو کی لاش اس کے اہل خانہ کے حوالے نہیں کی اور اسے کسی نامعلوم جگہ دفن کردیا۔دریں اثنا ، بھارتی فوجیوں اور پولیس اہلکاروں نے شامیانہ  بھی تباہ کردیا جو  نائکو کے قتل پر سوگ کرنے آنے والے لوگوں کے لئے  گاوں والوں نے نصب کیا تھا۔ کمانڈر ریاض نائیکو  کو اپنے ساتھی عادل احمدسمیت شہید کر دیاتھا بدھ کو مجموعی طور پر چار نوجوان شہید ہوئے تھے۔ کے پی آئی کے مطابق کمانڈر ریاض نائیکو کی شہادت کی خبر پھیلتے ہی ملنگ پورہ، شالہ ٹوکنہ، گلزار پورہ پنجگام، چکورہ،جنگل ناڑ، قوئل، ٹہاب، علاقہ شاہورہ اور دیگر کئی علاقوں اور دیہات سے لوگ کسی طرح    بیگ پورہ پہنچ گئے ۔ بھارتی فورسز و پولیس نے حرکت میں آکر مظاہرین کو آگے بڑھنے سے روکا ۔ مظاہرین نے چاروں طرف شدید پتھرائو کیا، اور انہیں منتشر کرنے کیلئے شلنگ کی گئی اور پیلٹ کا استعمال بھی کیا گیا۔مقامی لوگوں کے مطابق پر تشدد کارروائیوں میں 25 سے زیادہ  شہری زخمی ہوئے تھے ۔ کل جماعتی حریت کانفرنس نے جمعرات کومکمل ہڑتال کی اپیل کی تھی ۔ترجمان اے پی ایچ سی نے  سرینگر میں جاری ایک بیان میں ریاض نائکو اور دیگر شہدا کو زبردست خراج تحسین پیش کرتے ہوئے لوگوں سے اپیل کی کہ وہ  احتجاج کریں۔انہوں نے لوگوں سے یہ بھی گزارش کی کہ وہ جمعہ کے روز اپنے دیہات ، آبائی شہروں اور شہروں میں شہدا کے لئے غیر حاضری میں نماز جنازہ پڑھیں۔ ادھر  پورے جنوبی کشمیر کے حساس مقامات پرفورسزکی اضافی تعیناتی عمل میں لائی گئی۔ جبکہ پورے کشمیر میں بی ایس این ایل کے بغیر موبائل خدمات کو بندکردیا گیا اور موبائل انٹرنیٹ کو پوری طرح سے معطل کیا گیا۔ جنوبی کشمیر میں سخت کرفیو نافذ کر دیا گیا۔

Editor

Next Post

e-Paper – Daily Wifaq – 08-05-2020

جمعہ مئی 8 , 2020