پی ٹی آئی کی مقبولیت خطرناک حد تک کم ہوگئی، سروے رپورٹ

صرف دو سال میں پی ٹی آئی کی مقبولیت 8 فیصد کی خطرناک کمی کے ساتھ صرف 24 فیصد رہ گئی

مسلم لیگ (ن) نے 27 فیصد مقبولیت کے ساتھ پہلی بار پی ٹی آئی کو پیچھے چھوڑ دیا

اسلام آباد(صباح نیوز)

انسٹی ٹیوٹ فار پبلک اوپینیئن ریسرچ(آئی پی او آر) کے تازہ ترین سروے سے معلوم ہوا ہے کہ 2018 میں عام انتخابات سے لے کر اب تک پاکستان تحریکِ انصاف (پی ٹی آئی) کی مقبولیت 8 فیصد کی خطرناک کمی کے ساتھ صرف 24 فیصد رہ گئی ہے جبکہ مسلم لیگ (ن)نے 27 فیصد مقبولیت کے ساتھ پہلی بار پی ٹی آئی کو پیچھے چھوڑ دیا ہے۔اس سروے میں پورے پاکستان سے 1702 افراد شریک تھے جن کی عمریں 18 سال سے 50 سال یا اس سے بھی زیادہ تھیں۔ شرکا میں 46 فیصد خواتین اور 54 فیصد مرد شامل تھے۔ علاوہ ازیں، اس سروے میں رائے دینے والوں کی 54 فیصد تعداد کا تعلق پنجاب سے، 23 فیصد سندھ سے، 17 فیصد خیبرپختونخوا سے جبکہ 6 فیصد کا تعلق بلوچستان سے تھا۔شرکا میں سے 23 فیصد کا کہنا تھا کہ بے روزگاری پاکستان کا سب سے بڑا مسئلہ ہے جبکہ 21 فیصد نے مہنگائی کو ملک کا سب سے بڑا مسئلہ قرار دیا۔ 14 فیصد کے نزدیک کورونا وائرس کی وبا سب سے بڑا مسئلہ ہے جبکہ 11 فیصد نے کاروبار کے کم ہوتے ہوئے مواقع کو پاکستان کا سنگین ترین مسئلہ قرار دیا۔اسی طرح حالیہ بجٹ کو بھی صرف 21 فیصد لوگوں نے قابلِ اطمینان قرار دیا۔ اگرچہ 27 فیصد لوگوں کا یہ خیال تھا کہ میاں شہباز شریف پاکستان کے موجودہ مسائل حل کرنے کی صلاحیت رکھتے ہیں لیکن دوسری جانب 57 فیصد افراد کی رائے یہ تھی کہ پی ٹی آئی کی حکومت کو اپنے 5 سال پورے کرنے چاہئیں جبکہ 29 فیصد کی رائے موجودہ حکومت کے جلد از جلد خاتمے کیلیے تھی

Editor

Next Post

پاکستانی اور چینی وزیر خارجہ کا رابطہ، عالمی فورمز پر باہمی تعاون کے فروغ پر اتفاق

جمعہ جولائی 3 , 2020
اسلام آباد(صباح نیوز) پاکستان اور چین کے وزرائے خارجہ نے ایک اہم ٹیلی فونک گفتگو میں بین الاقوامی فورمز پر باہمی تعاون کے فروغ پر اتفاق کیا ہے۔ تفصیل کے مطابق وزیر خارجہ مخدوم شاہ محمود قریشی نے چینی وزیر خارجہ وانگ یی سے ٹیلی فونک رابطہ کرکے خطے کی […]