سعودی عرب نے 4 اکتوبر سے عمرہ بحال کردیا

ریاض (ویب ڈیسک)

سعودی عرب نے 4 اکتوبر سے احتیاطی تدابیر کے ساتھ بتدریج عمرہ بحال کرنے کا اعلان کردیا ہے۔

سعودی وزارت داخلہ کے جاری کردہ اعلان کے مطابق پہلے مرحلے میں  یومیہ 6 ہزار مقامی اور سعودی عرب میں مقیم  غیر ملکی شہریوں کو عمرہ کرنے کی اجازت دی جائے گی۔

دوسرے مرحلے میں اگلے ماہ کی 18 تاریخ سے سعودی عرب میں مقیم 15 ہزار غیر ملکی شہریوں کو عمرے کی اجازت ہوگی۔ اسی طرح تیسرے مرحلے میں یکم نومبر سے سعودی عرب کے باہر سے آںے والوں زائرین کے لیے عمرہ بحال کردیا جائے گا۔ تیسرے مرحلے میں زائرین کی یومیہ گنجائش بڑھا کر 2 لاکھ یومیہ کردی جائے گی۔

واضح رہے کہ  سعودی عرب میں کورونا وبا کے باعث 26 فروری سے عمرے اور مسجد نبوی کی زیارت کے لیے سعودی عرب آمد پر تاحکم ثانی عارضی پابندی عائد تھی اور رواں برس حج میں بھی سعودیہ میں مقیم صرف چند ہزار غیر ملکی تارکین وطن نے اپنے اپنے ملک کی نمائندگی کرتے ہوئے حج ادا کیا تھا۔

Editor

Next Post

چین نے امریکا کو تصادم کے خطرے سے خبردار کردیا

بدھ ستمبر 23 , 2020
بیجنگ (ویب ڈیسک) چین نے امریکا کو تہذیبوں کے تصادم کے خطرے سے  خبردار کرتے ہوئے مسائل مذاکرات سے حل کرنے کی پیش کش کی ہے۔ اقوام متحدہ کی جنرل اسمبلی سے خطاب کرتے ہوئے چینی صدر شی جن پنگ نے کہا کہ چین کسی ملک کے ساتھ سرد جنگ […]