نواز شریف کے خلاف مجرمانہ سازش، بغاوت اور لوگوں کو اکسانے کی دفعات کے تحت مقدمہ

راجہ فاروق حیدر خان کا نام بھی پاکستان کے خلاف مجرمانہ سازش اور، بغاوت کے الزام میں مقدمے میں شامل

نواز شریف،راجا ظفر الحق، سردار ایاز صادق، شاہد خاقان عباسی، خرم دستگیر سمیت درجنوں مسلم لیگیوں پر مقدمہ درج

لاہور(ویب ڈیسک ) ۔پاکستان مسلم لیگ (ن) کے قائد اور سابق وزیراعظم نواز شریف کے خلاف مجرمانہ سازش، بغاوت اور لوگوں کو اکسانے کی دفعات کے تحت مقدمہ درج کرلیا گیا آزاد کشمیر کے وزیر اعظم راجہ فاروق حیدر خان کا نام بھی پاکستان کے خلاف مجرمانہ سازش اور، بغاوت کے الزام میں مقدمے میں شامل کرلیا گیا ہے جبکہ ایف آئی آر میں مریم نواز سمیت دیگر لیگی قائدین کو بھی نامزد کیا گیا ہے۔ ان میںراجہ فاروق حیدر خان ،راجا ظفر الحق، سردار ایاز صادق، شاہد خاقان عباسی، خرم دستگیر، جنرل (ر) عبدالقیوم، سلیم ضیا، اقبال ظفر جھگڑا، صلاح الدین ترمذی، مریم نواز شریف، احسن اقبال، شیخ آفتاب احمد، پرویز رشید، خواجہ آصف، رانا ثنا اللہ، بیگم نجمہ حمید، بیگم ذکیہ شاہ نواز، طارق رزاق چوہدری  شامل ہیں۔صوبائی دارالحکومت لاہور کے تھانہ شاہدرہ میں شہری بدر رشید کی مدعیت میں نواز شریف اور دیگر کے خلاف تعزیرات پاکستان کی دفعہ 120، 120 بی، 121، 121 اے، 123 اے، 124 اے، 153 اے اور 505 اور برقی جرائم کی روک تھام کے قانون 2016 کی شق 10 تحت مقدمہ درج کیا گیا۔خیال رہے کہ 20 ستمبر 2020 کو سابق وزیراعظم نواز شریف نے طویل عرصے بعد اپنی خاموشی کو توڑتے ہوئے اپوزیشن کی آل پارٹیز کانفرنس (اے پی سی) میں حکومت اور اداروں پر سخت تنقید کرتے ہوئے کہا تھا کہ ہماری جدوجہد وزیراعظم عمران خان کے خلاف نہیں بلکہ 2018 انتخابات کے ذریعے انہیں اقتدار میں لانے والوں کے خلاف ہے۔مذکورہ مقدمے میں مقف اپنایا گیا کہ ‘مجرم نواز شریف پاکستان کی اعلی عدالتوں سے سزا یافتہ ہے اور ان کے خلاف بدعنوانی کے مقدمات اعلی عدالتوں میں زیر سماعت ہے جبکہ لاہور ہائیکورٹ نے بنیادی انسانی حقوق کو مدنظر رکھتے ہوئے انہیں جان بچانے اور علاج معالجہ کے لیے بیرون ملک جانے کی مشروط اجازت دی اور حکومت وقت نے مخالفت نہیں کی’۔ایف آئی آر کے متن کے مطابق تاہم اب سزا یافتہ نواز شریف علاج کروانے کے بجائے لندن میں بیٹھ کر ایک سوچی سمجھی مجرمانہ سازش کے تحت پاکستان اور اس کے مقتدر اداروں کو بدنام کرنے کی غرض سے نفرت اور اشتعال انگریز تقاریر کر رہے ہیں۔

Editor

Next Post

وزیر اعظم کا اپوزیشن رہنمائوں کے خلاف غداری کے مقدمے پر ناپسندیدگی کا اظہار

پیر اکتوبر 5 , 2020
وزیر اعظم کا اپوزیشن رہنمائوں کے خلاف غداری کے مقدمے پر ناپسندیدگی کا اظہار وزیر اعظم کو اس ایف آئی آر کا کوئی علم نہیں تھا جب میں وزیر اعظم کے علم میں لایا تو شدید ناپسندیدگی کا اظہار کیا،فواد چوہدری اسلام آباد(ویب ڈیسک ) وزیر اعظم عمران خان نے […]