خاتون جج دھمکی کیس، عمران خان کے وارنٹ گرفتاری جمعہ تک معطل عمران خان کے ناقابلِ ضمانت وارنٹ کومعطل کیا جائے، وکیل کی استدعا

• ایڈیشنل سیشن جج سکندرخان نے وارنٹ ایک روز تک معطل کر لئے، جمعہ تک سماعت ملتوی

اسلام آباد (ویب نیوز)

ڈسٹرکٹ اینڈ سیشن کورٹس اسلام آباد نے خاتون جج دھمکی کیس میں عمران خان کی جانب سے وارنٹ گرفتاری آج(جمعہ تک) معطل کردیئے ۔جمعرات کو پاکستان تحریک انصاف کے چیئرمین عمران خان کے وارنٹ گرفتاری کے فیصلے پر سیشن کورٹ میں نظرثانی اپیل پر سماعت ہوئی۔عمران خان کے وکیل نے توشہ خانہ کیس میں جاری وارنٹ کو معطل کرنے کا فیصلہ پڑھ کرسنایا، اور استدعا کی کہ عمران خان کے ناقابلِ ضمانت وارنٹ کومعطل کیا جائے۔ ڈسٹرکٹ اینڈ سیشن کورٹس اسلام آباد نے عمران خان کے ناقابلِ ضمانت وارنٹ گرفتاری جمعہ تک معطل کر دیئے ،ایڈیشنل سیشن جج سکندرخان نے جمعہ تک سماعت ملتوی کردی۔