آرمی چیف جنرل عاصم منیر اور صدر یو اے ای شیخ محمد بن زیدالنہیان میں ٹیلیفونک رابطہ دونوں رہنماؤں کے درمیان دوطرفہ دفاعی تعلقات اور فوجی تعاون پر تبادلہ خیال کیاگیا

• باہمی دفاعی اور فوجی تعاون کو مزید فروغ دینے کی ضرورت پر زور دیا گیا، آئی ایس پی آر

راولپنڈی (ویب نیوز)

آرمی چیف جنرل سید عاصم منیر اور متحدہ عرب امارات(یو اے ای ) کے صدر شیخ محمد بن زیدالنہیان کے درمیان ٹیلیفونک رابطہ ہوا ہے۔ پاک فوج کے شعبہ تعلقات عامہ (آئی ایس پی آر)کے مطابق یو اے ای کے صدر شیخ محمد بن زید النہیان نے آرمی چیف جنرل عاصم منیر سے ٹیلی فونک رابطہ کیا، جس میں دو طرفہ دفاعی تعلقات اور فوجی تعاون پر تبادلہ خیال کیا گیا۔آئی ایس پی آر کا کہنا ہے کہ آرمی چیف اور یو اے ای کے صدر کے درمیان باہمی دفاعی اور فوجی تعاون کو مزید فروغ دینے کی ضرورت پر زور دیا گیا۔