اسلام آباد میں لاک ڈائون میں 31مئی تک توسیع، مختلف کاروبار ہفتے میں 5دن کھولنے کی اجازت

اسلام آباد (صباح نیوز)

وفاقی دارالحکومت اسلام آباد میں نرمی کے ساتھ کورونا لاک ڈائون میں 31مئی تک توسیع کر دی گئی ہے۔حکومت کے نوٹیفکیشن کے مطابق پہلے مرحلے میں تعمیراتی سیکٹر، اسٹیل، پلاسٹک پائپ، الیکٹرانک آلات، پینٹس کی انڈسٹری کھول دی گئی ہیں۔اعلامیے میں کہا گیا ہے کہ چھوٹی مارکیٹیں طے شدہ ضابطوں کے ساتھ کھولی جا سکیں گی جنہیں ہفتے میں 5دن صبح 9سے شام 5بجے تک کھولا جا سکے گا۔اس کے علاوہ  لاک ڈائون میں جنرل اسٹور، بیکری، آٹا چکی، ڈیری شاپس، گوشت، فروٹ شاپس اور تندور پورا ہفتہ کھلے رکھنے کی اجازت دی گئی ہے۔لاک ڈائون کے دوران پوسٹل کورئیر، پک اینڈ ڈراپ سروسز کو بھی صبح 9سے شام 5بجے تک کھولنے کی اجازت دی گئی ہے، ساتھ ہی ٹائرپنکچر شاپس، ڈرائیور، ہوٹل، پیٹرول پمپ اور ریسٹورنٹس 24 گھنٹے کھولے جا سکتے ہیں۔نوٹیفکیشن میں سختی سے ہدایت کی گئی ہے کہ تمام افراد کے لیے طے شدہ حکومتی ضابطوں پر عمل درآمد کرنا لازمی ہوگا۔حکومتی اعلامیے میں یہ بھی کہا گیا ہے کہ تعلیمی ادارے، شاپنگ مالز، شادی ہالز ، شہر کے تمام بڑے تجارتی مراکز، بڑے ریسٹورنٹس اور ہوٹلز 31مئی تک بدستور بند رہیں گے۔اس کے ساتھ ساتھ ہائیر سیلون اور حجام کی دکانیں بھی بند رکھی جائیں گی۔پارکس، پولو کلب، ٹینس کورٹ ایس او پیز  پر عملدرآمد کرتے ہوئے کھولنے کی اجازت ہوگی لیکن پارکس میں بھی پلے ایریاز بند ہوں گے۔وفاقی حکومت نے ملک میں جاری لاک ڈائون میں 9مئی سے مرحلہ وار نرمی کا اعلان کررکھا ہے۔اب تک اسلام آباد میں کورونا کیسز کی تعداد 641 ہو چکی ہے جب کہ اموات کی تعداد 5 ہے۔

 

Editor

Next Post

پاکستان نے کلبھوشن معاملے پربھارتی وکیل کا بیان مسترد کردیا

اتوار مئی 10 , 2020
اسلام آباد(صباح نیوز) پاکستان نے کلبھوشن معاملے پر بھارتی وکیل ہریش سالوے کا دعوی مسترد کرتے ہوئے کہا ہے کہ پاکستان عالمی عدالت انصاف کے فیصلے پرپوری طرح عمل کررہا ہے۔ دفتر خارجہ کی ترجمان عائشہ فاروقی نے اپنے بیان میں کلبھوشن معاملے پر بھارتی وکیل ہریش سالوے کا دعوی […]