سعودی عرب اور چین کی پاکستان کو قرض ادائیگیاں مؤخرکرنے کی یقین دہانی

اسلام آباد

پیرس کلب کے بعد سعودی عرب اور چین نے بھی یکم مئی سے 31 دسمبر تک پاکستان کے قرضوں کی ادائیگیاں مؤخرکرنے کی یقین دہانی کروادی ہے۔

وزارت خزانہ حکام کے مطابق سعودی عرب اور چین نے بھی یکم مئی سے 31 دسمبر تک پاکستان کے قرضوں کی ادائیگیاں مؤخر کرنے کی یقین دہانی کروادی ہے۔ قرض کی ادائیگیاں مؤخر ہونے سے پاکستان کو مجموعی طور پر ایک ارب 80 کروڑ ڈالر کا ریلیف ملے گا۔ اس سلسلے میں باقاعدہ اعلان آئندہ ہفتے ہوگا جبکہ متحدہ عرب امارات سے بھی قرض کی ادائیگیاں مؤخر کرنے کے لئے بات چیت جاری ہے۔ آئندہ بجٹ یہ ادائیگیاں مؤخر سمجھ کر بنایا جا رہا ہے۔

واضح رہے کہ گزشتہ روز ترقی پذیر ممالک کو قرض فراہم کرنے والے ممالک پر مشتمل گروپ پیرس کلب نے پاکستان کا قرضہ مؤخر کرنے کا اعلان کیا تھا اور اس سے قبل آئی ایم ایف پاکستان کو قرضوں میں ایک سال کا ریلیف دے چکا ہے۔ جی 20 ممالک کی طرف سے بھی قرض منجمد کرنے پر رضا مندی ظاہر کی جا چکی ہے۔

Editor

Next Post

سی سی پی کا بِڈ ریِگنگ میں ملوث لائن ہارڈو یئر سپلائرز 46 کمپنیوں کوشو کاز نوٹس

جمعرات جون 11 , 2020
سی سی پی کا بِڈ ریِگنگ میں ملوث لائن ہارڈو یئر سپلائرز ایسوسی ایشن اور دیگر 46 کمپنیوں کوشو کاز نوٹس جاری، بِڈریِگنگ ڈسکوز کے 5  ارب مالیت کے ٹینڈروں میں کی گئی اسلام آباد  کمپٹیشن کمیشن آف پاکستان (سی سی پی) نے الیکٹرک پاور ڈسٹری بیوشن کمپنیوں (ڈسکوز) کو لائن […]