موجودہ حکومت کے دور میں میڈیا کو بھی تباہ کن حالات کا سامنا ہے ،شہباز شریف

لاہور (صباح نیوز)

پاکستان مسلم لیگ (ن)کے صدر اور قومی اسمبلی میں قائد حزب اختلاف میں محمد شہباز شریف نے کہا ہے کہ پاکستان تحریک انصاف کی حکومت کے آنے کے بعد مختلف شعبے متاثر ہوئے ہیں۔ موجودہ حکومت کے دور میں میڈیا کو بھی تباہ کن حالات کا سامنا ہے۔ حکومت نے پہلے اشتہارات کی بندش کے آمرانہ اقدامات کا سہارا لیا۔ میڈیا پر دبا ئوبڑھانے صحافیوں پر دبائو بڑھانے کی منصوبہ بندی کی گئی ۔ ان خیالات کا اظہار شہباز شریف نے اسپیکر قومی اسمبلی اسد قیصر کولکھے گئے  خط میں کیا۔ شہباز شریف کا کہنا تھا کہ 24نیوز کی بندش سے ہزاروں افراد کا چولہا  بجھ چکا ہے۔ تحریک انصاف کی حکومت کے آنے کے بعد مختلف شعبے متاثر ہوئے ہیں۔ موجودہ حکومت کے دور میں میڈیا کو بھی تباہ کن حالات کا سامنا ہے۔ حکومت نے پہلے اشتہارات کی بندش کے آمرانہ اقدامات کا سہارا لیا، میڈیا پر دبائو بڑھانے صحافیوں پر دبائوبڑھانے کی منصوبہ بندی کی گئی۔ انہوں نے کہا کہ وکلا برادری بھی حکومتی اقدامات کو انتقامی کارروائی قرار دے چکی ہے، معاملہ محض 24نیوز کی بندش کا نہیں حکومتی عدم برداشت کا ہے۔انہوں نے کہا کہ حکومتی اختیار ہر اس آواز کو خاموش کرانے کے لئے استعمال کیاجارہا ہے جو حکومتی سچ کو ماننے سے انکاری ہے،   جمہوریت اور دستور کی حکمرانی میں میڈیا ریاست کا چوتھا اور باوقار ستون تصور ہوتا ہے۔ انہوں نے کہا کہ دستور پاکستان میں اطلاعات تک رسائی بنیادی حق تسلیم کیا گیا، 1973 میں پہلے سے موجود ضمانت کو 18ترمیم نے پختہ بنایا ہے،امید ہے کہ آپ پارٹی وابستگی یا وزیراعظم کے دبائوکی بجائے آئین، جمہوریت اور ریاست کے چوتھے ستون کو مدنظر رکھ کر فیصلہ کریں گے۔

Editor

Next Post

اسلام آباد میں مندر کی تعمیر کیخلاف ایک اور درخواست پر فیصلہ محفوظ

منگل جولائی 7 , 2020
4کنال اراضی مندر کیلئے غیر قانونی طور پر الاٹ کی گئی، اسلام آباد اور راولپنڈی میں 3مندر پہلے سے موجود ہیں،درخواست گزار 2006 میں مساجد شہید ہوئیں، کہا گیا کہ متبادل زمین دیں گے، لیکن نہیں دی گئی، مندر کی تعمیر کے لیے پیسے دینا فضول خرچی ہے  مندر پر کام […]