بجٹ میں تنخواہ دار طبقے کو بڑا ریلیف ملے گا،فواد چوہدری

اسلام آباد (ویب ڈیسک)

وفاقی وزیر برائے اطلاعات ونشریات فواد چوہدری نے کہا ہے کہ بجٹ میں تنخواہ دار طبقے کو بڑا ریلیف ملے گا، ہمارے ہاں مہنگائی میں اضافہ تو ہوا ہے لیکن قوت خرید میں اضافہ بھی اسی شرح سے ہو رہا ہے جو خوش آئند ہے، امید ہے کہ دو سالوں میں عمران خان کی قیادت میں ملک منزل کے قریب ہو گا۔ان خیالات کااظہار فواد چوہدری نے منگل کے روز ٹوئٹر پر جاری اپنے بیان میں کیا۔ فواد چوہدری کا کہنا تھا کہ اچھی خبروں کا سلسلہ جاری ہے کویت نے 10سال بعد پاکستان کیلئے ورک ویزا کا اجرا شروع کر دیا ہے ۔ کورونا فرنٹ پر پاکستان کی ریکوری نے دنیا کو حیران کر دیا ہے۔ بھارت سمیت خطے  کے دیگر  ممالک اس موذی مرض سے نبرد آزما ہیں ہمارے ہاں کراچی کے علاوہ تمام ملک میں کرونا کی شرح 4% سے بھی کم ہو گئی ہے ۔