میڈیا اتھارٹی بل سے سب کو فائدہ ہو گا، فواد چوہدری

اسلام آباد  (ویب ڈیسک)

وفاقی وزیر اطلاعات فواد چوہدری نے کہا ہے  کہ  میڈیا اتھارٹی بل سے سب کو فائدہ ہو گا۔وفاقی وزیر اطلاعات فواد چوہدری نے اپنے ایک بیان میں کہا ہے کہ میڈیا اتھارٹی بل سے سب کو فائدہ ہو گا جبکہ میڈیا اتھارٹی بل کے فریم ورک پر کام کیا اور میڈیا نمائندو ں میں تقسیم کیا ہے۔ انہوں نے کہا کہ میڈیا اتھارٹی بل سے فیک نیوز پر قابو پایا جا سکے گا جبکہ میڈیا ٹریبونلز کے لیے میڈیا نمائندوں سے تجاویز مانگی ہیں۔فواد چوہدری نے کہا کہ قانون بنے گا تو سب کو عمل کرنا ہو گا اور ہم ایسا قانون لانا چاہتے ہیں جس کا حکومت بھی غلط استعمال نہ کرے۔ دنیا میں کسی معاملے پر تجزیہ کرنا فیک نیوزنہیں ہے۔فیک نیوز کی تعریف کرتے ہوئے انہوں نے کہا کہ غلط فیکٹس اینڈ فیگر سے لوگوں کو گمراہ کرنا فیک نیوز میں آتا ہے۔