پنجاب دھند کی لپیٹ میں، اہم شاہراہیں بند، پروازیں متاثر ٹرینیں تاخیر کا شکار، جی ٹی روڈز پر بھی حد نگاہ کم ہونے سے ٹریفک روانی متاثر

لاہور (ویب نیوز)

پنجاب کے متعدد علاقوں میں دھند کی لپیٹ میں رہے جس کے باعث موٹرویز کئی مقامات پر بندر ہیں جبکہ ٹرینیں کئی کئی گھنٹے تاخیر کا شکار ہو گئیں اور پروازوں کا شیڈول بھی متاثر ہوا ۔ ترجمان موٹروفے پولیس کے مطابق دھند کی وجہ سے لاہور ملتان موٹروے فیض پور سے ننکانہ صاحب ،موٹروے ایم ٹو لاہور سے کوٹ مومن تک اور سیالکوٹ مو ٹروے لاہور سے سمبڑیال تک بند کر دی گئی، جی ٹی روڈز پر بھی حد نگاہ کم ہونے سے ٹریفک کی روانی متاثر ہے۔روڈ یوزرز کو ہدایت کی گئی ہے کہ غیر ضروری سفر سے گریز کریں اورگاڑیوں پر فوگ لائٹس کا استعمال کر یں،مزید معلومات اور مدد کے لیے ہیلپ لائن 130پر رابطہ کریں۔اس کے علاوہ دھند کے باعث لاہور ائیرپورٹ پر فضائی آپریشن متاثر ہوا جس کی وجہ سے بیرون ملک سے آنے والی چار پروازوں کو اسلام آباد اتار دیا گیا،دوسری جانب ٹرینیں کئی کئی گھنٹے تاخیر کا شکار ہو ئیں۔