پنجاب میں بڑھتی سموگ ، لاہورہائیکورٹ کی محکموں کے عملے کو سائیکل استعمال کرنے کی ہدایت  میں نے قصور جا کر فیکٹریوں اور کارخانوں کو وارننگ دی ہے، میں سرپرائز وزٹ کروں گا،کمشنر لاہور

پنجاب میں بڑھتی سموگ ، لاہورہائیکورٹ کی محکموں کے عملے کو سائیکل استعمال کرنے کی ہدایت

 دھواں چھوڑنے والی گاڑیوں کو بھی فوری بند کرنے کا حکم،آلودگی کے خاتمے پر عمل کرنیوالے اداروں کو فنڈز فراہم کرنے کی ہدایت

 میں نے قصور جا کر فیکٹریوں اور کارخانوں کو وارننگ دی ہے، میں سرپرائز وزٹ کروں گا،کمشنر لاہور

 عدالتوں کے اردگرد پارکنگ کا معقول انتظام نہ ہونے اور ریلوے گالف کلب ایڈمنسٹریٹر کو تبدیل نہ کرنے پر عدالت کا اظہار برہمی

 ڈی سی لاہور صرف آفس میں بیٹھی رہتی ہیں کچھ نہیں کرتی، اب وقت آگیا کہ ڈی سی اور تھاتوں میں بیٹھے لوگ باہر نکلیں،عدالت

لاہور (صباح نیوز)لاہور ہائیکورٹ نے پنجاب میں بڑھتی سموگ کو مدنظر رکھتے ہوئے محکموں کے عملے کو فوری سائیکل استعمال کرنے کی ہدایت کردی۔تفصیلات کے مطابق لاہور ہائیکورٹ میں سموگ تدارک سے متعلق درخواستوں پر سماعت ہوئی۔ عدالتوں کے اردگرد پارکنگ کا معقول انتظام نہ ہونے اور ریلوے گالف کلب ایڈمنسٹریٹر کو تبدیل نہ کرنے پر عدالت نے برہمی کا اظہار کیا۔لاہور ہائیکورٹ نے ڈی جی ماحولیات کو عدالتی حکم پر عمل نہ کرنے پر توہین عدالت کا نوٹس دیتے ہوئے لاہور میں درخت لگانے کی ہدایت کی۔ لاہور ہائیکورٹ نے دھواں چھوڑنے والی گاڑیوں کو بھی فوری بند کرنے کا حکم دے دیا۔عدالت نے آلودگی کے خاتمے پر عمل کرنے والے اداروں کو فنڈز فراہم کرنے کی ہدایت کرتے ہوئے کہا کہ حکومت احکامات پر 4 ماہ میں عمل کر لے تو اسموگ کا خاتمہ ہو سکتا ہے۔ دورانِ سماعت کمشنر لاہور نے کہا کہ میں نے قصور جا کر فیکٹریوں اور کارخانوں کو وارننگ دی ہے، میں سرپرائز وزٹ کروں گا۔ محکمہ فاریسٹ کے ذریعے شہر میں پودے لگاے جارہے ہیں۔کمشنر لاہور نے کہا کہ ہم عوام کو آگاہی دے رہے ہیں کہ وہ فیملی کے نام پر پودے لگائیں۔ اجازت کے بغیر سڑکیں اور جگہیں کھودنے پر پابندی عائد کر دی ہے۔لاہور ہائیکورٹ نے موقف اپنایا کہ ڈی سی لاہور صرف آفس میں بیٹھی رہتی ہیں کچھ نہیں کرتی۔ اب وقت آگیا ہے کہ ڈی سی اور تھاتوں میں بیٹھے لوگ باہر نکلیں۔