ہندوستان آمرانہ ممالک کی فہرست میں ٹاپ 10 ، آمریت کے عمل کو بخوبی دستاویزی شکل دے دی گئی
ناقدین کو خاموش کرانے کے لیے بغاوت، انسداد دہشت گردی یو اے پی اے قوانین کا استعمال کیا جارہا ہے
سویڈن میں قائم غیر سرکاری تنظیم ڈیم انسٹی ٹیوٹ نے ڈیموکریسی رپورٹ 2024جاری کر دی
نئی دہلی( ویب نیوز)
سویڈن میں قائم غیر سرکاری تنظیم ڈیم انسٹی ٹیوٹ نے ڈیموکریسی رپورٹ 2024جاری کر دی ہے۔ ڈیموکریسی رپورٹ 2024 میں نشاندھی کی گئی ہے کہ عالمی آبادی کا 18 فیصد والا ملک ہندوستان آمرانہ ممالک کی فہرست میں ٹاپ 10 میں ہے ۔، نئی وی ڈیم رپورٹ میں 42 ممالک کی درجہ بندی کی گئی ہے ۔ رپورٹ کے مطابق ہندوستان ایک انتخابی آمریت (الیکٹورل آٹوکریسی) والا ملک بن گیا ہے جس میں آمریت کے عمل کو بخوبی دستاویزی شکل دے دی گئی ہے جس کے باعث بھارتی جمہوریت کی سطح میں مزید گراوٹ آئی ہے۔بھارت کی انتخابی خود مختاری میں کمی کو جمہوریت اور آزادی صحافت پر بین الاقوامی درجہ بندی کے حوالے سے بی جے پی کی زیرقیادت مرکزی حکومت کی تنقید کا سامنا ہے۔ رپورٹ میں وزیر اعظم نریندر مودی کے 2014 میں اقتدار میں آنے کے بعد سے مختلف رپورٹس نے ہندوستان میں شہری آزادیوں میں کمی کو اجاگر کیا ہے، جس کی وجہ انسانی حقوق کے گروپوں پر دبا بڑھنے، صحافیوں اور کارکنوں کو ڈرانے دھمکانا اور اقلیتوں کے خلاف حملوں کو قرار دیا گیا ہے۔ہندوستان کی جمہوریت کی تنزلی نے عالمی سطح پر تشویش کو جنم دیا ہے، خاص طور پر اسے دنیا کی سب سے بڑی جمہوریت کا درجہ دیا گیا ہے۔ درجہ بندی مسٹر مودی کی حکومت کے تحت پالیسیوں کی طرف اشارہ کرتی ہے جس کی وجہ سے ملک میں سیاسی اور شہری آزادیوں میں کمی آئی ہے۔وی ڈیم انسٹی ٹیوٹ کا جائزہ عالمی سطح پر جمہوری پسماندگی کے وسیع تر رجحان کی عکاسی کرتا ہے، انتخابی خود مختاری زیادہ عام ہو رہی ہے۔ان درجہ بندیوں نے اقتصادی ترقی پر جمہوری زوال کے اثرات کے بارے میں بات چیت کو جنم دیا ہے۔تحقیق بتاتی ہے کہ جمہوریتیں آمریتوں سے زیادہ ترقی کرتی ہیں اور معاشی بحرانوں سے بچنے کے لیے بہتر طریقے سے لیس ہوتی ہیں۔ ہندوستان میں جمہوری اداروں کے خاتمے سے اس کی اقتصادی ترقی پر طویل مدت میں اثر پڑنے کا امکان ہے۔رپورٹ کے مطابق، ہندوستان 2023 میں بھی ایسے 10 فہرست ممالک میں شامل رہا، جہاں اپنے آپ میں پوری طرح سے تاناشاہی یا آمرانہ نظام حکومت ہے۔رپورٹ میں مزید کہا گیا ہے کہ ہندوستان 2018 میں انتخابی آمریت میں نیچے چلا گیا اور 2023 کے آخر تک اسی زمرے میں بنا رہا۔ڈیموکریسی وننگ اینڈ لوزنگ ایٹ دی بیلٹ کے عنوان سے رپورٹ میں کہا گیا ہے، اس گروپ کے دس میں سے آٹھ ممالک مطلق العنانیت کے آغاز سے پہلے جمہوریت پسند تھے۔ ان 8 میں سے 6 ممالک کوموروس، ہنگری، انڈیا، ماریشس، نکاراگوا اور سربیا میں میں جمہوریت کا خاتمہ ہوگیا۔ 2023 میں صرف یونان اور پولینڈ ہی جمہوری ملک بنا رہا۔ جمہوریت کے خاتمے کی یہ فریکوئنسی ایک حالیہ تحقیق سے مماثلت رکھتی ہے، جس میں دکھایا گیا ہے کہ 80 فیصد جمہوریتیں اس وقت منہدم ہو جاتی ہیں جب وہ مطلق العنانیت کی جانب بڑھنے لگتی ہیں۔اس میں کہا گیا ہے، گزشتہ برسوں کے دوران، ہندوستان میں آمریت کے عمل کو بخوبی دستاویزی شکل دے دیا گیاہے، جس میں اظہار رائے کی آزادی میں بتدریج لیکن خاطر خواہ گراوٹ، میڈیا کی آزادی سے سمجھوتہ، سوشل میڈیا پر کریک ڈان، حکومت پر تنقید کرنے والے صحافیوں کو ہراساں کرنا، ساتھ ہی سول سوسائٹی پر حملے اور اپوزیشن کو ڈرانا اور دھمکانا شامل ہیں۔ وزیر اعظم مودی کی قیادت میں تکثیریت مخالف حکمرانی، ہندو قوم پرست بھارتیہ جنتا پارٹی (بی جے پی)نے مثال کے طور پر ناقدین کو خاموش کرنے کے لیے سیڈیشن، ہتک عزت اور انسداد دہشت گردی کے قوانین کا استعمال کیا ہے۔ بی جے پی حکومت نے 2019 میں غیر قانونی سرگرمیاں (روک تھام) ایکٹ (یو اے پی اے) میں ترمیم کرکے سیکولرازم کے تئیں آئین کے عزم کو کمزور کردیا۔رپورٹ میں مزید کہا گیا ہے کہ مودی کی قیادت والی حکومت مذہبی حقوق کی آزادی کا بھی استحصال کر رہی ہے۔ سیاسی مخالفین اور حکومتی پالیسیوں کی مخالفت کرنے والوں کو ڈرانے کے ساتھ ساتھ اکیڈمک میدان میں اختلاف رائے کو دبانے کا رواج اب عام ہو چکا ہے۔اس سے قبل سال 2022 کی رپورٹ میں کہا گیا تھا کہ ہندوستان آمرانہ ممالک کی فہرست میں ٹاپ 10 میں ہے اور یہاں کے حالات مزید خراب ہوں گے۔ اس سے پہلے سال 2021 کی رپورٹ میں کہا گیا تھا کہ 2014 میں ہندوستان میں بی جے پی کی مودی حکومت کے آنے کے بعد سے اور اس کے ذریعے ہندو قومی ایجنڈے کو فروغ دینے کی وجہ سے جمہوریت کی سطح میں مزید گراوٹ آئی ہے۔
