سستا تیل نایاب ہوگیا، پٹرول کی قلت میں مزید اضافہ

پنجاب کے مختلف شہروں میں پٹرول کی قلت میں مزید اضافہ ہوگیا۔ پٹرول کے حصول کے لئے شہری خوار ہوتے رہے۔ شہریوں کا کہنا ہے مہنگا پٹرول عوام ہی خریدتی ہے لیکن آج پٹرول سستا ہوا تو پٹرول کی قلت ہو گئی۔

تفصیلات کے مطابق پٹرول کی قلت سے شہری پریشان ہیں، سستا تیل عوام کے لئے اذیت بن گیا۔ یکم جون سے نرخوں میں کمی کے بعد پٹرول کی قلت تا حال برقرارہے۔ شہری پٹرول کے حصول کے لیے مارے مارے پھر رہے ہیں۔

لاہور میں پرائیویٹ کمپنیوں کی ملکیت 220 پٹرول پمپس میں سے بیشتر پر پٹرول نایاب ہے۔ تاہم سرکاری آئل کمپنی کے پمپس پر پٹرول دستیاب ہے۔ جن پمپس پر پٹرول دستیاب ہے وہاں شہریوں کی طویل قطاریں دکھائی دیتی ہیں۔

ادھر فیصل آباد کے پمپ مالکان نے بیشتر پٹرول پمپس کو سپلائی نہ ملنے کا بہانا بنا کر مکمل طور پر بند کررکھا ہے۔

شہریوں کا کہنا ہے اوگرا کی نااہلی کے باعث عوام خوار ہو رہے ہیں، وزیراعظم عمران خان معاملے کا نوٹس لیں۔

دریں اثناء قصور میں بھی پٹرول کی قلت برقرار ہے۔ سپلائی میں کمی کے بعد شہری پٹرول کے حصول میں خوار ہو رہے ہیں۔

شہریوں نے شکوہ کیا ہے کہ حکومتی نااہلی اور ضلعی انتظامیہ کی غفلت سے پٹرول کا بحران شدت اختیار کرتا جا رہا ہے لیکن ارباب اختیار چین کی بانسری بجا رہے ہیں۔

Editor

Next Post

مقبوضہ کشمیر، شوپیان میں آپریشن کے دوران پانچ گھنٹے کی طویل جھڑپ

اتوار جون 7 , 2020
سرینگر (ساوتھ ایشین وائر) جنوبی کشمیر کے شوپیان ضلع کے ریبن امام صاحب علاقے میں ایک آپریشن کے دوران فورسز اہلکاروں اور عسکریت پسندوں کے درمیان جاری جھڑپ میں حزب المجاہدین کے ایک اعلی کمانڈر اویس ملک سمیت  4کشمیری عسکریت پسند شہید ہو گئے۔ فورسز اہلکاروں کی ٹیم میں فوج […]